Россиянинг Свердлов вилоятидаги Среднеуральск шаҳрида яшовчи эркак суваракларни кўпайтириб юборгани учун ётоқхонадаги қўшни аёлни ёқиб юборди, деб хабар берди “Ntv.ru” нашри.
Қўшнилар суваракларнинг кўпайгани юзасидан жанжаллашганидан кейин аёл иккинчи қаватдаги ўз хонасига кўтарилган. Эркак эса аёлнинг эшигига ёнувчи суюқлик сепиб, ўт қўйган. Ёнғин оқибатида қўшни аёл ҳалок бўлган. Ҳалок бўлган аёлдан ташқари хонада унинг опаси ва жияни бўлган, улар деразадан сакраб, тан жароҳати олган.
Судланувчи суд жараёнида ўз айбини тан олди. Суд уни қаттиқ тартибли колонияда ўташ учун 17 йиллик қамоқ жазосига ҳукм этди.
