Буюк Британияда бошқа итлардан кескин фарқ қилувчи кучук боласи дунёга келди, деб хабар берди “Тvzvezda.ru” нашри.
Лабрадор-ретривер зотига мансуб бўлган кучук боласининг ранги ям-яшилдир. Аввалига итнинг эгаси Фифи лақабли кучук боласининг рангини қора деб ўйлади, аммо вақт ўтган сари кучукча жунининг ранги яшиллигини пайқади. Фифининг опаси ва акаси ҳам бор, улар бошқа кучук болаларидан деярли фарқ қилмайди. Яшил кучук боласининг онаси Миллининг жуни жигаррангдир. Экспертлар Фифининг яшил жун билан дунёга келишига ит йўлдошида катта миқдорда биливердин моддасининг мавжудлиги сабаб бўлганлигини маълум қилди. Сариқ касаллигига чалинган одамларнинг териси ранги ҳам яшил тусга киради.
Кучукчанинг рангини кўрган эгалари унинг исмини “Шрек” мультфильмидаги малика Фиона шарафига Фифи деб аташди.
