Актриса Гулчеҳра Эшонқулова-Шарапова журналист Жасур Ҳамроевнинг Facebook`даги саҳифаси мухлислари билан орқали мулоқот қилди. Мулоқотда актрисанинг турмуш ўртоғи Шароф Шарапов ҳам иштирок этди.
“Гулчеҳрадаги меҳр, унинг ҳар қандай вазиятда ҳам таслим бўлмаслиги меҳримни қозонган. Биз охиригача бирга бўлишга аҳд қилганмиз ва таслим бўлмаймиз”, дейди Шароф Шаропов рафиқасининг қайси хислати унга манзур бўлгани ҳақида гапирар экан.
“Биз нима сабабдан бирга бўлдик? Чунки бизнинг ҳаёт борасидаги қарашларимиз бир хил. Менинг мақсадим ҳам уларнинг мақсади ҳам оила қуриш эди. Оила учун курашдик. Севги-муҳаббат ўз йўлига, лекин оилани ҳамма нарсадан устун қўйдик”,— дейди Гулчеҳра Эшонқулова турмуш ўртоғининг сўзларини давом эттирар экан.
“Онангизнинг Гулчеҳра Эшонқуловага уйланганингизда қандай муносабат билдирган эди? Ҳозирда сизнинг оилангизга уларнинг муносабатлари қандай?” деган саволга Шароф ва Гулчеҳра қуйидагича жавоб берди:
“Онам билан муносабатимиз жуда яхши. Инсоннинг қалбига йўл топа билиш керак. Гулчеҳра онамнинг кўнглига йўл топа олган”, — дейди Шароф Шарапов.
“Қайнонам энг яқин дугонам. Кўз тегмасин. Ҳозир Самарқандда қайнонам биланман. Тожик тилини ўрганяпман”,— дейди Гулчеҳра.
Шунингдек, Гулчеҳра турмуш ўртоғидаги ҳурматга сазовор хислатлар ҳақида ҳам гапириб ўтди:
“Қизғанчиқлиги, рашкчилиги, жиддий, ҳаётда ўз мақсадига эга инсон эканлигини ҳурмат қиламан”.
Суҳбат давомида актрисанинг кўп сонли мухлислари нима учун кейинги пайтларда киноларда кўринмаётгани ҳақида сўради.
“Ҳозир мен оилали инсонман. Фарзандим ҳали жудаям кичкина. Айни пайтда унинг тарбияси билан бандман. Келгусида турмуш ўртоғим билан бирга кинодаги фаолиятимни давом эттириш ниятидаман”, деб жавоб берди Гулчеҳра Эшонқулова-Шарапова бу саволларга жавобан.
Маълумот учун, аввалроқ Гулчеҳра ва Шароф Шараповлар 17 февраль куни ўғиллари Амирбекка суннат тўйи қилиши ҳақида хабар берган эдик.
26.09.2021, 17:45
Ўзбекистоннинг қайси ҳудудида оилалар сони кўп? Давлат статистика қўмитаси маълумот берди. Унга кўра, 2021 йилнинг 1 январь ҳолатига Ўзбекистон Республикасида жами 8 871 412 та оила...
27.05.2021, 16:56
АОКАда “Маҳалла ва оила” илмий-тадқиқот институти раҳбарлари иштирокида матбуот анжумани бўлиб ўтди.Анжуманда “Ўзбекистон Республикасида оила институтини 2030 йилгача янада мустаҳкамлаш концепцияси” мазмун-моҳияти ва аҳамияти ҳақида...
20.11.2019, 14:21
“Актрисага шилқимлик қилинган, у эса юриб кетаётган юк машинадан ўзини ташлаган” Қашқадарё ЙҲХБ қўшимча баёнот берди.2019 йил 18 дан 19 ноябрга ўтар кечаси соат 02:20...
14.11.2019, 18:36
Ўзбекистонда ФҲДЁ органлари ҳокимликлар тасарруфига ўтказилгач, фақатгина шаърий никоҳ билан яшаб келган 20 минг 350тадан ортиқ оила аниқланиб, уларнинг никоҳи қонунийлаштирилди.Бу ҳақда 13 ноябрь куни оила...
