Россиянинг Красноярск прокуратураси интернетни мониторинг қилиш жараёнида бирор одамни ўлдириш учун қотил ёллаш хизматини реклама қилаётган сайтни аниқлади, деб хабар берди “Lenta.ru” нашри.
Мазкур сайтга ҳеч қандай қийинчиликсиз кириш мумкин. У рўйхатдан ўтишни талаб қилмайди, пароль сўрамайди, истаган фойдаланувчи бемалол кириши ва маълумотлар билан танишиши мумкин. Бундай маълумотларни сайтга жойлаштириш ноқонуний ҳисобланади. Прокуратура қотилликни буюртма қилувчи мазкур сайтга нисбатан чора кўриш учун судга мурожаат этди, суд унинг мурожаатини қаноатлантирди.
