АҚШ ҳукумати сайёҳлардан ижтимоий тармоқлардаги саҳифалари паролларини сўрашни режалаштирмоқда, деб ёзади “Вести”.
АҚШ ички хавфсизлик вазири Жон Келлининг маълум қилишича, АҚШнинг бошқа давлатлардаги элчилари мамлакатга кириш визасини олиш учун ҳужжат топширган чет эл фуқароларининг ижтимоий тармоқлардаги саҳифалари паролларини сўрашга кўрсатма берилган.
“Агар улар АҚШга келишни истаса, биз билан ҳамкорлик қилишга рози бўлишади”,—дейди Келли.
Вазирнинг сўзларига кўра, у виза олишда ана шундай қатъий тартиб ўрнатилишини ёқлайди.
Келли янги тартиб биринчи навбатда президент Трамп АҚШга киришни тақиқлаган мусулмон давлатлари фуқароларига нисбатан жорий этилади.
“Биз АҚШга виза олиш борасида бир нечта янги тартибларни жорий қилиш тарафдоримиз. Балки, бизга фақат сизнинг паспортингиз эмас, балки сиз кириб турадиган сайтларингиз ҳақидаги маълумотларни олиш учун сизнинг ижтимоий тармоқлардаги саҳифаларингиз пароллари ҳам талаб қилинади”,—дейди Жон Келли.
АҚШ ички хавфсизлик вазири виза олиш тартибига янги чора-тадбирлар қачондан бошлаб киритилишига аниқлик киритмаган.
