АҚШнинг Нью-Йорк шаҳрида қутурган қор пўртанаси оқибатида бир киши ҳалок бўлди, деб хабар берди “Тvzvezda.ru”нашри.
Бу ҳақда штат губернатори Эндрю Кумо хабар берди. Унинг маълумот беришича, Манхеттен туманидаги аҳоли яшайдиган уйлардан бирининг томидаги қорни кураётган консьерж Мигель Гонсалес пўртана оқибатида томдан қулаб, ҳалок бўлган. 59 ёшли Гонсалес кўп квартирали уйнинг томини қордан тозалаётганда сирғаниб кетган ва пастга, шиша панелга келиб урилган. Уни шишали панел босиб қолган. Мигель Гонсалес шифохонага олиб келинганига қарамай, унинг ҳаётини сақлаб қолишнинг иложи бўлмади.
Нью-Жерси, Коннектикут ва Массачесетс штатларида ҳам кучли қор ёғди. Мазкур ҳудудлар учун аномал бўлган ҳаво ҳарорати туфайли шаҳар мактаблари ёпилди ва уч мингдан ортиқ авиарейслар бекор қилинди. Нью-Йоркнинг йирик Жон Кеннеди номли аэропорти эса барча парвозларни тўхтатди.
