Бельгиянинг Эльзенборн шаҳридаги ҳарбий лагерда сайр қилиб юрган болаларни юк машинаси ҳайдовчиси босиб кетишга ҳаракат қилди, деб хабар берди Tvzvezda.ru нашри.
Ўқувчиларни ҳалокатдан ўқитувчининг ҳушёрлиги сақлаб қолди. У бостириб келаётган машинадан болаларни огоҳлантирди. Юк машинаси ҳайдовчисини ҳарбий патруль қўлга олди.
Мазкур автомобиль ҳайдовчиси руҳий носоғлом, Германия фуқароси эканлиги аниқланди. Дастлабки терговдан кейин у дарҳол руҳий касалхонага ётқизилди. Тергов жараёнида, юк машинаси ҳайдовчиси ҳарбий лагерга келаётганда, йўлда бир нечта ЙТҲларни амалга ошириб, воқеа жойидан яширинганлиги маълум бўлди.
