Қозоғистонда йўл-транспорт ҳодисаси оқибатида ҳалок бўлган ўзбекистонликларни олиб келиш учун махсус рейс Актюба вилоятига жўнаб кетди.
Маълумотларга кўра, ҳалок бўлганларнинг жасади бугун Ўзбекистонга келтирилади.
Эслатиб ўтамиз, 20 июнь куни Актюба вилояти Айтекебий тумани Карабутак посёлкасидан 20 километр узоқликда Самара-Чимкент трассасининг 946-километрида соат 10.20 да йўл-транспорт ҳодисаси юз берди. “Мерседес” русумли икки қаватли йўловчилар автобуси ағдарилиб тушди.
Мазкур ҳодиса оқибатида 9 киши ҳалок бўлган ва 18 киши (17 та Ўзбекистон Республикаси фуқароси ва 1 та Қозоғистон Республикаси фуқароси) турли даражадаги тан жароҳати олган.
