Ирина Журавская Львовна, Москва шаҳридаги Давлат тарих музейининг етакчи илмий ходими:
— Давлат тарих музейининг илмий жамоаси «Дунё тўпламларида Ўзбекистоннинг маданий мероси» лойиҳасида зўр иштиёқ билан иштирок этганди. Эндиликда 28-29 ноябрь кунлари Тошкентда ўтадиган “Замонлар чорраҳаси: ўтмишнинг буюк мероси-маърифатли келажак пойдевори” форумида ҳам қатнашиб, Москвада сақланаётган ўзбек маданиятининг ноёб ёдгорликлари билан таништириш биз учун катта шараф!
Фурсатдан фойдаланиб, мазкур форум ташкилотчиларига миннатдорлик билдирамиз ва унинг барча иштирокчиларига муваффақиятлар тилаймиз.
Ишончимиз комилки, форум келгусида давлатлар ва халқлар ўртасидаги маданий алоқаларнинг ривожига катта ҳисса қўшади.
