Бразилияда давом этаётган футбол бўйича жаҳон чемпионати иштирокчилари 1-тур учрашувларини ўтказишмоқда.
“F” гуруҳида бир кун аввал Аргентина Босния термаси устидан ғалаба қозонган бўлса, Эрон ҳамда Нигерия терма жамоалари ўз учрашувларини бугун ўтказишди. Ушбу учрашувда ҳисоб очилмади – 0:0.
“G” гуруҳида эса мусобақанинг яна бир марказий учрашувларидан бири бўлиб ўтди. Германия-Португалия терма жамоалари ўртасидаги учрашувда ғолиб жамоани олдин айтиш қийин эди. Аммо, ўйинда Германия терма жамоаси қийинчиликсиз ўз рақибларини 4:0 ҳисобида мағлубиятга учратишди. Учрашувда Томас Мюллер хет-трикка эришди ва яна битта голни Хуммельс киритди.
Шу гуруҳнинг иккинчи учрашувида АҚШ Гана терма жамоасига қарши майдонга тушишди. Учрашувда 2:1 ҳисобида америкалик футболчилар устун келишди.
