Ўтган ҳафта Бразилияда футбол бўйича жаҳон чемпионати старт олди.
Миллионлаб футбол мухлислари бор эътибори Бразилия майдонларига қаратилган. Ушбу мусобақа даврида футболчилар иштирокидаги реклама роликлари ҳам кўпайган. Мода дунёси ҳам футболни қўллаб-қувватлашга ҳаракат қилмоқда. Louis Vuitton модалар уйи жаҳон чемпионатига ўз ҳиссасини қўшди, дея ёзади day.az сайти.
Мода компанияси кубок учун ўзининг оригинал чамадонини ишлаб чиқарди. Ғилоф икки томонидан очилади ва кубокни мухлисларга намойиш қилиш учун қулайдир. Кубок оғирлиги 6,175 кг бўлиб, ундан 5 кг.си 18 каратли олтиндан ясалган.
