Филиппиннинг Пасиг шаҳрида яшовчи ҳайкалтарош Габриэль Туазон (Gabriel Tuazon) суваракни қатл этиш учун кичкина электр стул ясади, деб хабар берди lenta.ru нашри.
Туазоннинг айтишича, у хонани шамоллатиш учун деразани очганида суварак учиб кирган. Ҳайкалтарош уни бирор буюм билан уриб ўлдиришдан жирканган. Шундан кейин унда электр стул ясаш ғояси пайдо бўлган.
Бундай кичкина электр стул ямаш учун унга 2 соат кифоя қилган. Электр стулга батарея ва лампочка ўрнатгандан кейин “қатл” ни видеога олган. Ўзининг бу ишини ҳайкалтарош “суварак уйимга кирмаганда ўлмасди”, деб изоҳлади.
