Бугун, 30 апрель куни маҳаллий вақт билан соат 3:00 Хитой пойтахтида микроавтобус иштирокида содир бўлган ЙТҲда 5 киши ҳалоқ бўлди. Бу ҳақда Хитой йўл-транспорт полицияси хабар берди.
Маълум бўлишича, Пекиннинг Чаоян туманидаги 5-транспорт ҳалқасида ҳаракатланаётган микроавтобус тўхтаб турган йўл таъмирловчи транспорт воситасига келиб урилган. Оқибатда микроавтобусдаги беш йўловчи воқеа жойида ҳалок бўлган, жароҳатланган ҳайдовчи шифохонага етказилган.
Ҳозирда ЙТҲ сабаблари ўрганилмоқда.
