Сальвадорнинг собиқ президенти Антонио Сакага нисбатан 10 йиллик қамоқ жазоси белгиланди, дея маълум қилмоқда Segodnya.ua нашри.
Унга коррупция айблови қўйилди. У мамлакатнинг коррупция билан боғлиқ жиноятлар учун жазоланган биринчи собиқ президенти сифатида қайд этилди. Сака 2016 йил октябрда коррупция ва давлат маблағларини харжлаб юбориш гумони билан ҳибсга олинган. У президент ваколати тугашигача ҳисоб рақамида турган 5 млн. доллар қаердан олинганини изоҳлаб беролмагандан кейин ноқонуний бойишда айбланган.
