Тошкентдаги мактаблардан бирининг 8-синфида ўқиган ўсмир "экстрим селфи" қурбони бўлди. Бу ҳақида Бош прокуратуранинг "Ҳуқуқ" нашрида хабар берилди.
Исми ошкор этилмаган ўқувчи ижтимоий тармоқлардаги дўстларини ҳайрон қолдириш мақсадида экстремал ҳолатда "cелфи" қилиш – ўзини суратга олишга қарор қилган. Шу мақсадда у темир йўл бекатига яширинча кириб, дастлаб поезд ёнида ва унга осилган ҳолда суратга тушган. Янада экстремал ҳолатда “cелфи” қилиш учун поезд вагони тепасига чиққан ўсмир юқори кучланишли электр токи симига тегиб кетган.
Кучли ток уриши оқибатида ўсмирнинг танаси куйиб кетган. Шифокорларнинг саъй-ҳаракатига қарамай, ўсмир вафот этган.
