Испаниянинг Майорка оролида давом этаётган тошқин 10 кишининг умрига зомин бўлди, деб хабар берди РЕНтв.ру нашри.
Бундан ташқари, яна 20 нафар инсон бедарак йўқолган, дея ҳисобланмоқда. Reuters ахборот агентлиги тарқатган хабарларга кўра, қурбонлар орасида 2 нафар Буюк Британия фуқаролари ҳам бор. Оролга ёпирилган тўфон автомобилларни оқизиб кетган ва ўнлаб уйларни вайрон қилган. Бу вақтда машина ичида бўлган одамлар автомобиль ичида қолиб кетган ва кейинчалик қутқариб олинган. Ҳозирда Майоркада 11 та автомагистраллар ёпилди. Испания Бош вазири Педро Санчез ҳудудга ташриф буюриб, вазият билан танишди ҳамда қурбонларнинг яқинларига таъзия билдирди. Қутқарув ишларига 600 дан ортиқ ҳарбийлар жалб қилинган.
