Италиянинг Сицилия оролида Этна вулқони ҳаракатга келди, дея хабар берди РИА Новости нашри.
Этна Европадаги энг фаол вулқон ҳисобланади. Ҳозирда тоғ оғзидан бир неча километр баландликкагача лава отилиб чиқмоқда. Атрофга тарқаётган тутун эса ҳавонинг заҳарланишига олиб келмоқда. Ҳозирча эвакуация ҳолати жорий қилинганича йўқ. Этна вулқони сўнгги марта ўтган йили фаоллашган ва 10 кишининг жабрланишига сабаб бўлган эди.
