Ўзбекистон Республикаси Маданият вазирлиги, Ўзбекистон миллий телерадиокомпанияси, “Ўзавтосаноат” акциядорлик жамияти, Ўзбек миллий мақом санъати маркази - Юнус Ражабий номидаги мақом ансамбли ташкил этилганининг 60 йиллигини кенг нишонлаш мақсадида 2019 йил 15 октябрь куни Алишер Навоий номидаги Ўзбекистон Давлат Академик Катта театрида тантанали кеча ўтказишини маълум қилади.
Мазкур кечага ташриф буюрганлар мақом ансамблининг босиб ўтган шарафли йўли, санъатимиз фидойилари, эл эъзозига мушарраф табаррук устозлар ҳаёти ва ижоди, ибратомуз маҳорат мактабларидан ва бугунги мақом усталари ижросидаги дурдона асарлардан баҳраманд бўлади.
