Октябр ойининг оҳирги ҳафтасида Хоразм вилоятига Ҳиндистоннинг "PANORAMA STUDIOS PVT. LTD." кинокомпанияси ижодкорлари ташриф буюришади. Ташрифдан кўзланган мақсад мелодрамма жанридаги "Khuda Haafiz" номли фильмни суратга олишдир.
Воҳада тасвирга олиш ишлари 1 ой мобайнида бўлиб ўтиши режалаштирилган. Унда Хива шаҳридаги "Ичан қалъа" ҳудуди, "Эркин" меҳмононаси, Янгиариқ туманидаги Остона қишлоғи ҳудуди, Урганч шаҳри аэропорти, "Аёз-қалъа" ёдгорлиги ҳудудлари ва кўчаларида олиб борилиши кутилмоқда.
Маълумот ўрнида айтиш мумкинки, мазкур кинофильмнинг Ўзбекистон ҳудудида тасвирга олинишидан мақсад Президентимизнинг 2019 13 августдаги "Ўзбекистон Республикасида туризм соҳасини янада ривожлантириш чора-тадбирлари тўғрисида"ги ПФ-5781-сонли фармонига мувофиқ хорижий кинокомпаниялар ва киностудияларни мамлакатимизда фаолият олиб боришга жалб қилиш ва уларга қулай шарт-шароит яратишга йўналтирилган.
