«Ўзтемирйўлйўловчи» қоидабузар сайёр чиптачиларга чора кўрди

“Facebook” ижтимоий тармоғида ёзилган мурожаат бўйича, Сариосиё – Термиз йўналишидаги шаҳарлараро поездларида сайёр чиптачиларнинг ноқонуний ҳатти-ҳаракатлар юзасидан «Ўзтемирйўлйўловчи» АЖ Сурхондарё филиали раҳбарияти тегишли хизматчилар билан тезкор учрашув ўтказди. 

Мазкур тадбир натижасида, шаҳарлараро поездларнинг сайёр чиптачиларнинг йўл хужжатлари (чипталар)ни сотиш технологиясини бузганлиги учун масъул ходимларга Ўзбекистон Республикасининг Меҳнат кодексига биноан интизомий жазо чоралари қўлланилди. 

Масалани янада батафсил ўрганиш мақсадида «Ўзтемирйўлйўловчи» АЖ Сурхондарё филиалига ишчи комиссия юборилди, дея хабар беради «Ўзбекистон темир йўллари» Ахборот-таҳлилилий медиа маркази.