Хитой ҳукумати коронавирусга қарши курашда Европа Иттифоқи таркибига кирувчи давлатлардан ёрдам сўради.
Хитой давлат кенгаши раиси Ли Кэцян коронавирусга қарши курашиш учун дори-дармон воситалари етказиб беришда кўмак беришни сўраб Еврокомиссия раҳбари Урсула фон дер Ляйенга мурожаат қилган.
Бундан ташқари, Хитой ташқи ишлар вазирлигида АҚШда коронавирус сабабли фавқулодда ҳолат киритилиши ва охирги 14 кун Хитойда бўлган хорижликларга мамлакатга кириш тақиқлангани ҳамда Хитойнинг хавф даражаси энг юқори бўлган давлатлар қаторига киритилиши кескин танқид қилинган.
Аввалроқ маълум қилинганидек, АҚШда Хитойдан қайтувчи америкаликлар текширувдан ўтказилиб, 14 кунлик карантин қилинмоқда. “Бу шубҳасиз яхши ниятнинг намойиш қилиниши эмас”, деб айтган Хитой томони.
