Хитойда коронавирусдан вафот этганларни дафн этиш тақиқланди. Бу ҳақда Хитойнинг инглиз тилида хабар тарқатувчи Global Times нашри хабар берди.
“nCoV2019 вирусидан вафот этганларнинг танаси қисқа вақт ичида энг яқин крематорийда ёқилиши керак. Уларни дафн этиш ёки қариндошларига бериш таъқиқланади. Дафн маросимларида вирус тарқалиши хавфи мавжуд”, дейилган Хитой Миллий соғлиқни сақлаш комиссияси хабарида.
Эслатиб ўтамиз, айни дамда дунё бўйича коронавирус юққан кишилар сони 15 мингдан, ушбу вирусдан вафот этганлар сони 370 кишидан ошди.
ЖССТ янги коронавирус дунёга тарқалиши муносабати халқаро фавқулодда вазият эълон қилди.
