Ўзбек тиббиёт ходимлари мигрень касаллигини ташхислаш усулини ихтиро қилишди. Бу ҳақда Ўзбекистон Республикаси интеллектуал мулк агентлиги расмий сайти хабар беради.
Ушбу ташхис усули тиббиёт, хусусан айнан, неврология, бош мия томирлари аномалияси билан ҳамда аномалиясисиз кечадиган мигренни ташхислашда фойдаланишга мўлжалланган. Унинг вазифаси мигрень касаллиги билан касалланган беморларга тўғри ташхис қўйиш ва кейинчалик бош мия томирлари аномалияси ҳолатида даволашга ёрдам берадиган босқичма-босқич ташхислаш усулини яратишдан иборат.
Муаллифлар ушбу ташхис усулига патент олиш учун талабнома топширдилар.
