Уханда (Хитой) коронавирусга чалинган 98 ёшли аёл даволаниб, касалхонани тарк этди. Бу ҳақда Хитойнинг«Синьхуа» ахборот агентлиги хабар берди.
Бу аёл COVID-19ни енгган дунёдаги кекса инсон эканлиги қайд этилади хабарда..
Мазкур кекса аёл касалхонага келтирилганида аҳволи жуда оғир, иситмаси баланд эди. Шу куни у билан бирга коронавирусни юқтирган 55 ёшли қизи ҳам шифохонага келтирилган.
Ҳар икки аёл вирусга қарши дори-дармонларни қабул қилиб, махсус муолажа курсларини ўташганидан сўнг ўзларини яхши ҳис қилишган. Кўп ўтмай 98 ёшли аёлга уйига жавоб берилган.
Шифокорларнинг таъкидлашларича, киши тўлиқ тузалиб кетдими ёки вирус ҳали тирикми — аниқлаш анча қийин, чунки беморлар ҳолати яхшиланганидан кейин олинган биринчи таҳлиллар ижобий натижа беради. Уларнинг умумий ҳолати кейин ҳам кузатиб борилади.
Маълумот учун айни пайтда дунёнинг кўпчилик мамлакатларига тарқалиб улшгурган янги турдаги коронавирус илк бор 2019 йилнинг декабрь ойида Хитойнинг Ухань шаҳрида аниқланганди. Унинг кўрсичқонлардан тарқалгани, гигиена қоидаларига амал қилинмайдиган муҳитда тез юқиши айтилмоқда.
