Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита томонидан яқинлашиб келаётган Рамазон ҳайити муносабати билан қатор мамлакатларнинг дин ишлари бўйича бошқармалари, ҳамкор вазирлик ва ташкилотлари, илмий-тадқиқот марказлари раҳбарларига самимий дил сўзлари битилган қутлов мактублари йўлланди. Бу ҳақда Дин ишлари бўйича қўмита Матбуот хизмати хабар қилди. Хусусан:
- Саудия Арабистони Подшоҳлиги Ҳаж ва умра вазири – Муҳаммад Солиҳ бин Тоҳир Бентен;
- Миср Бош имоми, Ал-Азҳар мажмуаси раҳбари – Шайх Аҳмад Таййиб;
- Мисрнинг Ал-Азҳар мажмуаси раҳбари маслаҳатчиси – Абдураҳмон Мусо;
- Мисрнинг Ал-Азҳар университети ректори – Муҳаммад Меҳрсави;
- Туркия Республикаси Дин ишлари бошқармаси (Диёнат) раҳбари – Али Эрбаш;
- Озарбайжон Республикаси Диний ташкилотлар билан ишлаш давлат қўмитаси раиси – Мубариз Курбанли;
- Кавказ мусулмонлари идораси раиси – Шайхул-ислом Оллоҳшукур Пошшозода;
- Қозоғистон Республикаси Дин ишлари бўйича қўмитаси раиси – Ержан Нукежанов;
- Қирғиз Республикаси Дин ишлари бўйича давлат комиссияси директори – Зайырбек Эргешов;
- Тожикистон Республикаси Ҳукумати ҳузуридаги Дин ишлари, анъаналар, байрамлар ва урф-одатларни тартибга солиш қўмитаси раиси – Сулаймон Давлатзода.
