Амалдаги UFC чемпиони Ҳабиб Нурмагомедов “Коронавирус пандемиясини ёлғон ва ўйлаб топилган”, деган ўз обуначисига жавоб қайтарди.
"Менинг қишлоғимда 500 киши пневмония билан касалланган, улардан 11 нафари вафот этди. Қўшни қишлоқда эса 14 киши бир кечада вафот этди, уларни дафн қилишга улгуришмаяпти. Узр, сенга ўхшаган ақлли эмасман», - деб ёзди у инстаграмда обуначисининг изоҳига жавоб тариқасида.
