Қирғизистон-Тожикистон чегарасида яна қуролли келишмовчилик бўлиб ўтди. Хабар қилинишича, бугун тунда, 2 июндан 3 июнга ўтар кечаси Боткент туманининг Эки-Таш ҳудудидан ўтган чегарада ўқотар қурол ишлатилган. Тожикистон томонидан номаълум шахслар Қирғизистон фуқаросининг машинаси томон ов қуролидан ўқ узган.
Бу вақтда қирғизистонлик эркак Ўш-Исфана йўлида ҳаракатланиб кетаётган бўлган. У яраланди ва айни вақтда касалхонада даволанмоқда. Ҳодиса жойида милиция ходимлари иш олиб боряпти. Чегара хизмати томонидан хабар қилинишича, ҳозирги вақтда вазият барқарор.
