Бу ҳақда Ташқи ишлар вазирлиги хабар берди. Хабарга кўра, Ўзбекистон Республикаси Президентининг Туркия Республикасига ташрифи давомида 2017 йил 25 октябрда имзоланган 1996 йил 8 майдаги Даромадларга икки томонлама солиқ солишга йўл қўймаслик тўғрисидаги ҳукуматлараро Битимга ўзгартиришлар киритиш тўғрисидаги Баённома 2020 йил 9 июлдан эътиборан кучга кирган.
Ҳужжатга биноан, икки давлат ваколатли органлари ўртасида ахборот алмашишнинг янгиланган тартиби назарда тутилмоқда, шунингдек, Битим солиқларни ундиришда кўмаклашишга оид янги норма билан тўлдирилган.
