Ижтимоий тармоқларда хонанда Канизанинг коронавирусга чалингани ҳақида гапирган видеолавҳа тарқалди.
Унда Каниза короновирусга чалинганига саккиз кун бўлганлигини, аҳволи борган сари ёмонлашаётганини, неча маротаба қўнғироқ қилаётганига қарамай, "Тез ёрдам"дагилар гўшакни кўтармаётганлигини маълум қилган. У сўзининг охирида фуқаролардан зарурат бўлмаса, иложи борича, кўчага чиқмасликни, эҳтиёт чораларини кўришни сўраган.
Эслатиб ўтамиз, аввалроқ, "Беном" гуруҳи хонандаси Комил коронавирусга чалингани хабар қилинган эди.
