Andijon viloyati prokuraturasining xabar berishicha, joriy yilning 23 iyun kuni "Bo`z Iqbol chorvasi" MChJ rahbari N.S. Andijon viloyati Bo`ston tumanidagi “Buyuk turon chorvasi” fermer xo`jaligi dala maydonidagi daraxtga arqon bilan o`zini osib, vafot etgan.
Ta`kidlanishicha, ayni paytda holat bo`yicha Bo`ston tuman prokuraturasi tomonidan tergovga qadar tekshirish harakatlari olib borilmoqda.
Shuningdek yana qayd etilishicha, fuqaro N.Sattarovaning marhum akasi rahbarlik qilgan “Bo`z Iqbol chorvasi” MChJ tomonidan tumandagi maktabgacha ta`lim tashkilotlariga etkazib berilgan oziq-ovqat mahsulotlarining pullari to`lab berilmaganligi haqidagi ijtimoiy tarmoqlar orqali tarqalgan murojaat ham Bo`ston tuman prokuraturasi tomonidan mutaxassislar ishtirokida ko`rib chiqilmoqda.
Har ikkala holat bo`yicha o`tkazilayotgan tekshiruv viloyat prokuraturasi tomonidan nazoratga olingan.
Natijalari haqida qo`shimcha ravishda ma`lum qilinadi, deyiladi munosabatda.
Eslatib o`tamiz, andijonlik tadbirkor Rahmiddin Mirzaev ham o`z joniga qasd qilganligi haqida xabar berilgan edi.
