Ijtimoiy tarmoqlarda Samarqand viloyatida kanalga salkam 10-15 ta eshakni so‘yib tashlab ketilganligi aks etgan video xabarlar jamoatchilik muhokamasiga sabab bo‘ldi.
Kshbu holat Kattaqo‘rg‘on tumani Ekologiya va atrof-muhitni muhofaza qilish va iqlim o‘zgarishi bo‘limi davlat inspektorlari va mutasaddi tashkilotlar vakillari tomonidan o‘rganilgan.
Qayd etilishicha, mazkur holat Kattaqo‘rg‘on tumani "Sho‘rak" qishlog‘ida yashovchi fuqaro tomonidan xonadonida kushxona tashkil etib, bir necha eshaklarni so‘yib, go‘shtini sotish bilan shug‘ullanib kelgan.
Hozirda mazkur holat to‘liq bartaraf etilib, kushxona faoliyatiga chek qo‘yilgan. Noqonuniy faoliyat yuzasidan esa, qonuniy chora ko‘rish maqsadida bayonnomalar tuzilib, tegishli idoralarga taqdim etilgan.
