Biroq bunday transport vositalari sonining koʻpayishi bilan ular ishtirokidagi yoʻl-transport hodisalari soni ham oshdi. Faqatgina shu yilning oʻzida 300 dan ortiq shunday hodisa qayd etilgan boʻlib, ularning 53 tasi fojia bilan yakunlangan. Tahliillar shuni koʻrsatadiki, koʻpincha bunday fojialarning sababi yoʻl harakati qoidalarini bilmaslikdir.
Yuzaga kelgan vaziyat shuni aniq koʻrsatmoqdaki, kichik mexanik transport vositalaridan foydalanish sohasi yanada tizimli tartibga solinishi, unda band boʻlgan odamlar esa albatta tegishli taʼlim olishi kerak.
Aks holda ahvol yanada yomonlashadi, chunki bilimsiz va tajribasiz har qanday texnika oʻlim xavfi manbaiga aylanadi.
Oʻzbekistonda 2025 yil 1 oktyabrdan boshlab moped va skuterlarni majburiy roʻyxatdan oʻtkazish, shuningdek, ularni boshqarish uchun "A" toifali haydovchilik guvohnomasiga ega boʻlish talabini joriy etish rejalashtirilmoqda.
Ushbu oʻzgarishlar mamlakatta qizgʻin muhokamalarga sabab boʻldi. Muhokamaning asosida xavfsizlikni oshirish, iqtisodiy maqsadga muvofiqlik va ish oʻrinlarini saqlab qolish oʻrtasidagi muvozanat yotibdi.
Davlat mopedlar yordamida daromad topayotganlarning tashvishlarini tushunib, bozorga moslashish uchun vaqt berib, egiluvchan boʻlishga intilmoqda.
Biroq xavfsizlik va yoʻl harakati qoidalariga rioya qilish masalalari ham ustuvor vazifalar qatorida qolmoqda. Shu bois, moped haydovchilarini oʻqitish masalasi prinsipal ahamiyatga ega. Oʻqitish xavfsizlikning poydevoridir.
Busiz bironta mopedni yoʻlga chiqarish mumkin emas. Shuningdek, shaxsiy himoya vositalariga eʼtibor kuchaytiriladi. Axir dubulgʻa shunchaki rasmiyatchilik emas, balki hayot-maʼmot masalasidir.
Agar boʻlajak oʻzgarishlarga xolisona baho beradigan boʻlsak, bu holatda davlat va biznesning maqsadlari bir-biriga mos keladi, deyish mumkin.
