Joriy yilning yanvar—avgust oylarida 298 nafar shaxs O‘zbekiston Jinoyat kodeksining 126-1-moddasi (oilaviy zo‘ravonlik) bo‘yicha sudlangan. Ulardan 81 nafari ozodlikdan mahrum qilish jazosini olgan. Bu haqda Toshkent shahar sudi ma’lum qildi.
Ta’kidlanishicha, o‘tgan 2024 yilning umumiy hisobida 472 kishi shu modda bilan sudlangan va ulardan 150 nafariga qamoq jazosi tayinlangan.
Shuningdek, 2025 yil boshidan buyon 7 624 nafar shaxs MJTKning 59-2-moddasi bo‘yicha ma’muriy javobgarlikka tortilgan. Ulardan 6 585 nafari ma’muriy qamoqqa olingan.
Jinsiy shilqimlik (JK 41-1-modda) uchun esa 1 450 kishi sudlangan, shundan 969 nafari qamoqqa, 481 nafariga esa jarima tayinlangan. Bu ko‘rsatkich 2024 yilning shu davrida 1 854 nafarni tashkil etgan.
Shu bilan birga, oilaviy zo‘ravonlik sababli 47 ta nikohdan ajratish da’vosi sudlarga kiritilgan, ularning 37 tasi qanoatlantirilgan — bu har beshta ishdan to‘rttasida zo‘ravonlik oilaning buzilishiga sabab bo‘layotganini anglatadi.
