15 mart kuni Qozog‘istonning Jambil viloyatida joylashgan 21742-sonli harbiy qismda baxtsiz hodisa sodir bo‘ldi. Bu haqda “Hronika” nashri xabar berdi.
Ma’lum qilinishicha, soat taxminan 19:35 larda qorovulning uchinchi postida xizmat olib borayotgan qo‘riqlash xodimi J.A. tasodifan 7,62 mm kalibrli SKS karabinidan o‘q uzgan. Oqibatda o‘q qorovul boshlig‘i B.J.ga teggan.
Jabrlangan ogir ahvolda Gvardeyskiy posyolkasidagi harbiy gospitalga olib borilgan. Shifokorlarning barcha sa’y-harakatlariga qaramay, u soat 20:18 da vafot etgan.
Qayd etilishicha, hodisa ishtirokchilari harbiy xizmatchilar emas, balki Mudofaa vazirligi huzuridagi idoraviy qo‘riqlash xizmatida ishlovchi fuqarolik shaxslari bo‘lgan.
Hozirda voqea yuzasidan barcha holatlar aniqdanmoqda.
Eslatib o‘tamiz, bundan avval Qirg‘izistonda mansabdor shaxs o‘z joniga qasd qilgani haqida xabarlar tarqalgan edi.
