Шифокор иммунолог-аллерголог Андрей Продеус антисептикларнинг ўқувчилар учун хавфли эканлигидан огоҳлантирди. Бу ҳақда у «Sputnik» радиоси билан суҳбатда айтиб ўтган, дея iz.ru хабар берди.
«Каттароқ ўсмир болаларнинг териси катталарники билан деярли бир хил бўлади. Аммо беш ёшгача болаларнинг териси эса анча таъсирчан ҳисобланади. Санитайзер ва антибактериал геллардан фойдаланганда тери намлигини йўқотиб, қуриб қолади. Қуриган терида шилиниш ва ёрилишга мойилик ошади. Бу эса атроф-муҳитдаги микробларнинг танага кириши учун кенг йўл очади, — дея изоҳлайди эксперт.
