Шаҳрисабз шаҳар марказий шифохонанинг туғруқхона бўлими бошлиғи Шоира Исмоилова бевақт вафот этди.
Шу муносабат билан шаҳар ҳокимлиги, шифохона маъмурияти марҳумнинг оила аъзолари, яқин қариндошларига чуқур таъзия билдиради.
"Ҳақиқатдан ҳам марҳума Шоира Исмоилова шифокор сифатида бўлимда ҳомиладор аёллар саломатлигини муҳофаза қилишда, соғлом гўдакнинг дунёга келишида бор билим ва маҳоратини ишга солди. Жамоани шакллантирди, соғлом муҳит яратди. Шоира Исмоилова кўпчилик хотирасида ширин сўз, шогирдларига камтарин устоз, касбдошларига фидойи, ташкилотчи раҳбар, оилада меҳрибон ва жонкуяр она сифатида мангу муҳрланиб қолади" дейилади хабарда.
Марҳуманинг охирати обод, жойи жаннатдан бўлсин!
