Бугун, 26 октябрь куни Андижон шаҳрида Labo ва Malibu-2 иштирокида йўл-транспорт ҳодисаси содир бўлди. Бу ҳақда Андижон вилояти Йўл ҳаракати хавфсизлиги хизмати хабар берди.
Маълум қилинишича, ҳодиса соат 12:40 ларда Бобур шоҳ кўчасида юз берган. 2004 йилда туғилган Я.А. бошқарувидаги Labo иккинчи даражали йўлдан асосий йўлга чиқишда Malibu-2’га йўл бермаган. Оқибатда икки автомобиль тўқнашган.
Ҳодиса оқибатида Labo ҳайдовчиси тан жароҳати олган. У Республика шошилинч тиббий ёрдам илмий марказининг Андижон филиалига мурожаат қилган.
Айни вақтда ҳолат юзасидан Андижон шаҳар ИИБ Йўл ҳаракати хавфсизлиги бўлими ходимлари томонидан суриштирув ишлари олиб борилмоқда.
