Катта Фарғона каналининг Шаҳрихон туманидан оқиб ўтган қисмидан топилган машина ичидан иккита инсон жасади топилди. Бош прокуратура матбуот хизматининг «Xabar.uz»га маълум қилишича, жасадлар маҳаллий фуқаролар - 25 ёшли йигит ва 45 яшар аёл экани аниқланган, дейилади нашр хабарида.
Шу йилнинг 31 июль куни Шаҳрихон тумани, Қайрағочгузар маҳалласида яшовчи фуқаро О.Ғ. туман ИИБ бошлиғи номига ариза билан мурожаат қилиб, бир ҳафта бурун турмуш ўртоғи ўртоғи Т.А. ўзининг бошқарувидаги «Москвич»да қовун олиб келиш учун чиқиб кетганича дараги бўлмаганини айтиб, амалий ёрдам сўрайди. Ушбу ҳолат бўйича ўша куниёқ Шаҳрихон туман прокурори томонидан Жиноят Кодексининг 97-моддаси 1-қисми билан жиноят иши қўзғатилган.
Эътиборлиси, худди шу санада туманнинг Қоракўрпа маҳалласида истиқомат қилувчи М.И. ҳам туман ИИБга ариза билан мурожаат қилиб, У 45 ёшли онаси Т.Д. 23 июль куни кечга яқин ҳеч бир сабабсиз уйидан чиқиб кетиб, қайтиб келмаганини билдирган.
Ҳар икки ҳолат бўйича тўпланган иш ҳужжатлари битта жиноят ишига бирлаштирилиб, ўтказилган тезкор-тергов ҳаркатлари натижасида 5 август куни Т.А. бошқарувидаги автомашина Катта Фарғона каналининг Шаҳрихон тумани, Бегбачча МФЙ ўрамидан оқиб ўтган қисмидан топилган.
Автомашина кўздан кечирилганида, унинг ичида Т.А. ва Т.Д.нинг жасадлари топилди. Марҳумларни уларнинг яқинлари таниб олган. Суд-тиббий экспертиза хулосасига кўра, Т.А. ва Т.Д.нинг танаси ҳамда ички аъзоларида сувда чириш аломатлари мавжудлиги, ўлим ҳолати эса сувга чўкиш натижасида келиб чиқанлигини баён қилинган», дейилади Бош прокуратура маьлумотномасида.
