"Ўзбекистон 24" телеканалидаги «COVID-19 савол-жавоб» кўрсатувида иштирок этган Врачлар малакасини ошириш институти профессори Машҳура Зоҳидованинг маълум қилишича, касаллик юққанидан кейин кўп ёки кам миқдорда бўлсаям антитаначалар пайдо бўлади.
Антиначаларнинг турлари бор. Агар организмда иммуноглобулин М антиначаси бўлса, касаллик ривожланаётганини кўрсатади. Иммуноглобулин G — организм касалликдан тузалиб, унда иммунитет пайдо бўлганини кўрсатади. Иккаласининг нисбатига қараб, бемор касалликнинг қайси даражасида эканини аниқлаб олиш мумкин.
Шунинг учун вирус юқса, антинача қолади.
Иммуноглобулин миқдори етарли бўлса, организмда узоқ муддат учун етарли иммунитет шаклланади ва вируснинг шу штаммини бемор қайта юқтирмайди.
