Бразилия президенти Жаир Болсонару куни кеча бўлиб ўтган оммавий тадбирда журналистларни қўрқоқликда айблади, ҳамда уларнинг кўпчилиги нимжон бўлгани сабаб, Cовид-19дан ўлиб кетишини башорат қилди. Бу ҳақда Узрепорт ёзмоқда.
Давлат раҳбарининг ОАВ билан муносабатлари анча вақтдан бери кескин тус олмоқда эди. Унинг тарафдорлари эса бир неча бор журналистлар билан муштлашувгача борган.
Якшанба куни журналистлардан бири Болсонарудан ўз рафиқасининг ҳисоб рақамига минглаб долларлар ўтказгани ҳақида сўраганида Болсонару унинг олдига бориб "Юзингга бир уришни жуда ҳам истардим" дея жавоб қайтарган.
Журналистнинг саволи ҳам бекорга берилмаган эди, чунки оҳирги ойларда Болсонаруни кўпчилик коррупцияда айбламоқда.
"Сизлар фақат ёвузликни биласизлар, қўлингиздаги қаламни ҳам ёвузлик қилиш учун ишлатасизлар. Сизнинг пандемиядан омон қолишингиз жуда қийин", - деди Болсонару.
Президентнинг ўзи ҳам коронавирусни ой бошида бошдан кечирган эди. Унинг фикрига кўра, айнан унинг ўтмишда спортчи бўлгани вирусни енгишда қўл келган.
26.08.2020 05:59
Бразилия президенти журналистларни Cовид-19дан ўлиб кетишини башорат қилди
