АҚШ Президенти Дональд Трамп Атлантика ёки Тинч океанини “Трамп океани” ёки “Америкалар океани” деб қайта номлаш мумкинлигини айтди. У бу ҳақда 10 октябрь куни Теннесси штатидаги Кларксвилл шаҳрида ўтказилган митингда гапирди.
“Бизга дарё керак. Бизга океан керак”, — деди Трамп.
У нутқи давомида Мексика қўлтиғини “Америка қўлтиғи” деб қайта номлаш тўғрисидаги қарорини ҳам эслади. Президентнинг фикрича, АҚШ харитасида мамлакат номи билан аталадиган океан ҳам бўлиши керак.
“Кетишимдан олдин, менимча, ўз номимиздаги океанга ҳам эга бўлишимиз керак”, — деди у.
Трамп аввалроқ ҳам Канада билан муносабатлар фонида Атлантика ва Тинч океанларининг номини ўзгартириш мумкинлигини айтган эди.
Бироқ ҳозирча АҚШ маъмурияти Атлантика ёки Тинч океанининг номини ўзгартириш бўйича расмий режани эълон қилмаган.
