Қашқадарёда вояга етмаган қиз ўз отаси томонидан мунтазам тарзда жинсий зўрлаб келингани аниқланди. Бу воқеа Қашқадарё вилоятининг Косон туманида рўй берди, дея ёзди "Jahon.uz".
Келтирилишича, Қашқадарё вилояти Косон туманида “Арабхона” МФЙда яшаб келган, тўрт фарзанднинг отаси бўлган 40 ёшли С.А. ўз қизини зўрлаб келгани сабабли эҳтиёт чораси сифатида қамоққа олинган.
Унга нисбатан юритувга олинган 1-1809-2005/104 сонли жиноят ишида Ўзбекистон Республикаси Жиноят кодексининг 118-моддаси 3-қисми “а,б” бандлари билан айблов эълон қилинган.
Жиноят ишида келтирилишча, С.А. ўз пушти камаридан бўлган вояга етмаган қизини, ўн саккиз ёшга тўлмаганлигини била туриб унга нисбатан зўрлик ишлатиб, ўлдириш билан қўрқитиб, унинг номусига теккан.
“Отажон тегинманг” - деб қаршилик кўрсатишига қарамасдан унга зўрлик ишлатиб, қизи бақирмаслиги учун ёстиқни унинг юзига босиб зўрлашга эришган.
Яна бир ҳолатда, - “Агар жойингдан турсанг пичоқни тиқиб оламан”- деб уни ўлдириш билан қўрқитиб, кейин уни жойига қайта ётқизиб олиб, жинсий эҳтиёжини қондириб, такроран ўзининг вояга етмаган қизини номусига теккан.
Мунатазам тарзда ўз падари томонидан жинсий зўравонлик қурбони бўлиб келган қиз соғлиғи ёмонлашганлиги сабабли, Косон тумани туғруқ комплексининг Гинекология бўлимига ётқизилган.
Ўз ўрнида қиз отасининг бундай бадбахтлигига жавоб қайтаришга уринган, афсуски бир сафар отасининг юзига шапалоқ урганда, отаси бирор кишига бу ҳақда айтса ўзи шарманда бўлишини, онаси билиб қолса уни ёқиб юборишини айтиб қўрқитиб келган, дейилади воқеа юзасидан берилган хабарда.
Айни пайтда Ёшлар ишлари агентлиги Қашқадарё вилояти бошқармаси масъуллари қизнинг хонадонида бўлишгани ҳақида хабар берилди.
Хонадон эгалари билан мулоқот қилиб, воқеанинг туб моҳиятини ўрганишди.
Ёшлар ишлари агентлиги Қашқадарё вилояти бошқармаси Aхборот хизматининг маълум қилишича, вояга етмаган қиз отаси томонидан зўрланмаганлиги аниқланган.
Aгентлик вакиллари қизга яқиндан ёрдам бериш мақсадида уни “Ёшлар дафтари” бўйича рўйхатга тушириб, иш билан таъминланишига амалий ёрдам кўрсатишини, имконияти чекланганини ҳисобга олган ҳолда яшаш жойини таъмирлаш мақсадида молиявий ёрдам беришни, психологик тренинг ҳамда Aгентлик томонидан ташкил этилган Қарши шаҳридаги “Дипломат” ўқув марказида бепул таълим олиш таклифларини беришган.
