Ҳозирги кунда коронавирусга чалинган қандай беморлар орасида ўлим кузатилаётгани ҳақида бугун АОКАда Коронавирусга қарши кураш штаби аъзоси Барно Абдусаматова иштирокида ўтказилган брифингда маълум қилинди.
— Ҳозирги кунда аксарият ўлим ҳолатлари йўлдош касалликлар сабабли бўлиб ўпканинг сурункали обструктив касаллиги, юрак қон томир етишмовчилиги, сурункали юрак ишемик касаллиги, гипертония касаллиги, сурункали юрак етишмовчилиги, қандли диабет ва семизлик мавжуд беморларда кузатилган, - жавоб берди мутахассис.
