2021 йил давомида табиий газ ва электр энергияси истеъмоли учун тарифлар оширилмаслиги белгиланмоқда

Бу ҳақда Олий Мажлис Қонунчилик палатаси депутати Расул Кушербаев хабар берди.

Мазкур норма 2021 йил учун мўлжалланган Давлат бюджети лойиҳасида қайд этилган.  

Шунингдек, бугун Қонунчилик палатасининг ялпи мажлисида иштирок этган Бош вазир Абдулла Арипов ҳам буни тасдиқлаб, бу аҳоли учун енгиллик яратиш ва қўллаб-қувватлаш йўлида қилинаётганлигини билдирган.  

Депутат бу сифатга таъсир қилмаслигига умид қилмоқда.