Солиқ сиёсатининг 2021 йилга мўлжалланган асосий йўналишлари қабул қилиниши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисидаги Ўзбекистон Республикаси Қонуни лойиҳаси эълон қилинди.
Лойиҳада жисмоний шахслардан олинадиган мол-мулк солиғининг объектлари сони алоҳида устунда келтириб ўтилди.
Унга кўра, солиқ солиш объектлари қаторидан кўп квартирали уйларга узвий боғлиқ бўлган автомашина тураржойлари, шунингдек бошқа иморатлар, бинолар ва иншоотлар ҳам ўрин олмоқда. Яъни, эндиликда янги қурилаётган уй-жойларда ертўла ёки иккинчи қаватида "парковка"ларга ҳам уй сотиб олганлар солиқ тўлаши керак бўлади.
