1

Вазир «Орол денгизи шўрланган ерларида инновацион стартап лойиҳалари танлови»нинг Қорақалпоғистондаги ғолибларига сертификатларни топширди

HI-TECH 21.12.2020, 06:56
Вазир «Орол денгизи шўрланган ерларида инновацион стартап лойиҳалари танлови»нинг Қорақалпоғистондаги ғолибларига сертификатларни топширди

Қорақалпоғистон Республикаси Нукус шаҳрида Ўзбекистон Республикаси инновацион ривожланиш вазирлиги ва «Шўрланиш шароитида биодеҳқончилик халқаро маркази»нинг (ICBA, БАА) Марказий Осиё ва Жанубий Кавказ бўйича Тошкент шаҳридаги минтақавий ваколатхонасининг ташаббуси ва қўллаб-қувватлаши билан Ўзбекистон Республикаси Президенти ҳузуридаги Оролбўйи халқаро инновация маркази билан ҳамкорликда «Ижтимоий инновациялар ва ижтимоий тадбиркорлик дастурлари орқали ёшларнинг имкониятларини кенгайтириш» мавзусида семинар ўтказилди.

Семинар Инновацион ривожланиш вазири Иброҳим Абдураҳмонов ва Қорақалпоғистон Республикаси Жўқорғи Кенгеси раиси Мурат Камалов раислигида ўтди. Тадбирда семинар ташкилотчилари вакиллари билан бирга Қорақалпоғистон Республикаси Жўқорғи Кенеси ва Вазирлар Кенгаши, тегишли вазирлик ва идоралар, илмий-тадқиқот институтлари, олий таълим муассасалари вакиллари иштирок этишди.

 

– Ҳар бир соҳа каби ижтимоий соҳа ҳам инновацияларга муҳтож, – деди вазир. – Авваллари ечилмаётган муаммоларни ҳал этиш ёки ечимини тақдим этарканмиз, мазкур ечимлар шу ҳудудда истиқомат қилаётган аҳолининг манфаатларидан келиб чиқиши, уларнинг талабларига жавоб беришини эътиборга олишимиз керак  .Яқин кунларда биз Қорақалпоғистон Республикаси бўйича илмий фаолиятга оид ҳудудий дастурлар доирасида шакллантирилган 26 та амалий ва инновацион лойиҳалар мавзуларини эълон қиламиз. Ушбу лойиҳалар танловлари ғолибларига жами 39 млрд сўмдан ошиқ маблағ ажратилган. Бу маблағлар илм-фаннинг турли йўналишларида фаолият юритаётган олимларнинг илмий тақиқот ишларига бериларкан, ушбу тадқиқотлар натижасида, дейлик маълум иқтисодий, ижтимоий ва экологик муаммоларнинг ҳал бўлиши кутилмоқда.

Тадбирда бугунги кунда Қорақалпоғистон Республикасида иқтисодиёт ва ижтимоий соҳалар ҳамда тармоқ илмий-тадқиқот муассасалари ўртасида ўзаро ҳамкорликни ривожлантириш, илмий-интеллектуал ҳамда молиявий ресурсларни тўлиқ сафарбар этган ҳолда илмий-инновацион салоҳиятдан кенг фойдаланиш, замонавий билимга эга ва мустақил фикрлайдиган юқори малакали кадрларни тайёрлаш зарурияти ҳақида фикрлар билдирилди. Ўз навбатида Давлат илмий-техник дастурлари доирасида илмий лойиҳалар танловини эълон қилиш мақсадида Қорақалпоғистон Республикаси Жўқорғи Кенгаши ва Ўзбекистон Республикаси Инновацион ривожланиш вазирлиги ўртасида ҳамкорлик ишлари янгича ёндашувларни жорий қилиш ва илмий тадқиқот ишланмаларни қўллаб-қувватлашга қаратилган.

Шунингдек, Қорақалпоғистон Республикасида ёш инноваторларни қўллаб-қувватлаш ва иқтисодий соҳани ривожлантириш мақсадида Инновацион ривожланиш вазирлиги ва Шўрланиш шароитида биодеҳқончилик халқаро маркази (ИКБA) билан биргаликда ўтказилган «Орол денгизи минтақасининг шўрланган ерларида Инновацион стартап лойиҳалар танлови» натижаларига кўра саралаб олинган энг яхши лойиҳалар молиялаштирилаётгани минтақанинг экологик ва ижтимоий муаммоларини ҳал этишга хизмат қилади.

Нукусда бўлиб ўтаётган семинар доирасида  Инновацион ривожланиш вазири Иброҳим Абдураҳмонов Ўзбекистон Республикаси инновацион ривожланиш вазирлиги ва Шўрланиш шароитида биодеҳқончилик халқаро маркази (БАА) билан ҳамкорликда эълон қилинган «Орол денгизи шўрланган ерларида инновацион стартап лойиҳалари танлови»нинг Қорақалпоғистондаги ғолибларига тантанали равишда сертификатлар топширди. Полат Жайлибаевнинг «Оролбўйида балиқчиликни ривожлантириш, шунингдек йўқолиб кетиш хавфи остида турган балиқ турларини тиклаш» лойиҳаси 400 млн. сўм, Рустамжон Мадраимовнинг «Қуёш энергиясида ишлайдиган саксовул экиш агрегатини ишлаб чиқариш» лойиҳаси 338,2 млн. сўм, Абилай Коптлеуовнинг «Агролоток» лойиҳаси 300 млн. сўм, Алим Асаматдиновнинг «Оролбўйи чўл зонасини кўкалмзорлаштириш учун био-парчаланувчи тўр ва уруғларни капсулалаш» лойиҳаси 334 млн. сўм миқдорида молиялаштирилиши белгиланган.

Шарҳлар

Об-ҳаво: Тошкент
Валюта курси
1