Эрон темир йўллари ташкилоти (ОЗД) раҳбарияти томонидан экспорт товарлари транзити учун имтиёзлар, шунингдек, Эрон орқали ўзбек товарларини ташиш ва транзит қилиш учун сезиларли чегирмалар берилди, деб хабар берди "Дунё" ахборот агентлигига таяниб “Красная весна”.
"Эрон темир йўллари Эрон орқали юкларни ташишда барқарор тариф ставкаларини қолдирди ва товарларни Ўзбекистонга олиб бориш, олиб ўтиш ва Эрон ҳудудидан транзит орқали Ўзбекистонга олиб боришда сезиларли чегирмаларни қўллади", - дейилади агентлик хабарида.
Юкларни темир йўл транспорти орқали ташишни рағбатлантириш мақсадида тариф ставкалари сақланиб қолди. Ўзбекистоннинг нефт маҳсулотлари, айрим турдаги қурилиш материаллари, минерал ўғитлар, қишлоқ хўжалиги ва тўқимачилик маҳсулотларини ташишда имтиёзлар берилган.
Маълум қилинишича, "Ўзбекистон темир йўллари" AЖ Эроннинг ОЗД компанияси билан музокаралар олиб борган ва амалдаги тариф имтиёзларини 2021 йил декабргача узайтириш масалаларини ишлаб чиққан.
