Ўзбекистонда 11 кун ичида 150 минг нафардан ортиқ бола Полиомиелитга қарши эмланди. Бу ҳақда ССВ қошидаги Санитария-эпидемиологик осойишталик ва жамоат саломатлиги хизмати бўлим мудири Дилором ТУРСУНОВА маълум қилди.
— Полиомиелит касаллигига қарши эмлаш хасталикнинг олдини олишнинг энг самарали усулидир. Шу боис, жорий йилнинг 10 март санасидан бошлаб ўн бир кун давомида 5 ёшгача бўлган 150 минг нафардан ортиқ сурхондарёлик болалар касалликка қарши эмланди. Бунда 300 минг доза инактивлаштирилган полиомиелитга қарши вакцинаси қўлланилди.
Шунингдек, касалликнинг олдини олиш мақсадида ҳудудлардаги тиббиёт соҳаси мутахассислари полиомиелит касаллигини ташхислаш ва аниқлаш бўйича билим ва малакаси доимий равишда орттириб борилмоқда. Ушбу чора-тадбирлар, албатта, аҳоли саломатлигини сақлаш, юқумли касалликлар тарқалишининг олдини олишда муҳим аҳамият касб этади.
