Юртимизда доллар ва рублнинг расмий курси пасайди

Марказий банк хорижий валюталарнинг сўмга нисбатан янги курсларини эълон қилди. Ушбу алмашув курслари 13 апрел кунидан кучга киради.

Унга кўра, долларнинг расмий курси 2,51 сўмга тушиб, 10 475,41 сўмни ташкил қилди.

Евро курси 9,59 сўмга кўтарилиб, 12 469,93 сўмга тенг бўлди.

Рубль курси эса 0,33 сўмга пасайган ва 1 рубль 135,43 сўмни ташкил этган.

Долларнинг расмий курси ўтган ҳафта бошидагига қараганда 7,56 сўмга арзонлаган.