Ҳар бир киши - бутун бир китобдир, ҳамма гап уни ўқий олишда.
Уильям Ченнинг
***
Бир қарашдаёқ киши ҳақида ҳукм чиқариш ярамайди. Фазилатлар одатда камтарлик қобиғи билан ўралган, камчиликлар риёкорлик ниқобига яширинган бўлади.
Жан де Лабрюйер
***
Киши олижаноблиги ҳақида унинг аҳёндаги ғайратига қараб эмас, балки кундалик ишларига қараб баҳо берилиши керак.
Блез Паскаль
***
Киши ҳақида ҳукм чиқаришдан олдин лоақал унинг фикр-асрори, унинг бахтсизлиги, унинг ҳаяжонига шерик бўлиш керак.
Оноре де Бальзак
***
Кимнингдир фазилатини баҳоламоқчи бўлган одамнинг ўзи ҳам шу фазилатга ёт бўлмасин.
Уильям Шекспир
***
Бир ўзинг холи қолганда ҳам бадхоҳ ишга қўл урма, ёмон сўз айтма. Бошқаларга қараганда ўз-ўзингдан кўпроқ истиҳола қилишни ўрган.
Демокрит
***
Яқин кишиларимизга ўзларига муносиб муомала қилиб, биз уларни баттар бузамиз. Агар биз уларга ўзларидан кўра яхшироқ одамлар дея ёндашсак, уларни биз янада яхшироқ бўлишга мажбур этамиз.
Гёте
***
Агар сизни ҳеч ким ёқтирмаса, имонингиз комил бўлсинки - айб сизда.
Додриж
